有無試過合埋眼行路呢？無左視覺嘅幫手，其他感官嘅功能就會加乘，變得更重要，同時我地亦要好專注去感覺呢個環境，以保護自己
大家矇眼估物件或者「耍盲雞」就試得多啦，今次同雙翹玩左個矇眼遊戲，係需要兩人合作完成路線：一個比提示，另一個要靠觸覺提示再同用本體覺去感覺自己身體同環境嘅關係同距離，究竟向邊個方向走？每一步要走多遠？從而成功搵出正確嘅路
屋企有地墊可以先砌出路線，就算無地墊都可以用適量嘅A4紙去設計，甚至電線膠紙都可以！所以要學識就地取材啊！
起初以為對於翹妹黎講係比較難，但估唔到又做得唔錯。反而翹仔定向經常偏向一邊，所以距離未掌握得好仔。呢個遊戲OTmama都試過，幾有挑戰性架(睇唔到路安全感即刻下降)
